Burco oo cabsi iyi aragagax darteed duco iyo qur’aan akhris laga bilaabay galinkii dambe ee shalay

Burco- (TogdhNews)- dabaylo  wata  siigo  midabkeedu  yahay  casaan  ayaa  shantii  iyo rubuc galabnimo  ee shalay qarisay   gebi ahaanba   daafaha  iyo gudaha magaalada Burco.

 Dabayshan iyo siigadan  is-huwan oo  ka soo dhacday jihada dhinaca  bari ee magaalada  ayaa  sababtay  in  ay mar kaliya    joogsadaan  dhammaan  dhaqdhaqii  kala duwanaa  ee  ka socday  magaalada, iyadoo dabayshaasi sababtay in gaadiidkii  qaarkooda  shitaan   laydhka,  waxa  la xidhay  dhammaan albaabadii  guryaha  iyo goobihii  ganacsigu  ka socday, ka dib markii  ay  is arki waayeen  dadkii  marayay  waddooyinka, isla markaana  uu qarsoomay  ilayskii cadceedu  oo dhulkii  isku beddelay mugdi.

 Dhacdadan oo  ahayd  mid  aan hore  loo arag   waxay bulshadda  magaalada  ku abuurtay   cabsi  iyo argagax naxdin leh, waxaa  markaliya  dadku  bilaabeen  qur’aan  akhrisi  iyo baryada  Illaahay.

Dadweynaha ku dhaqan magaalada Burco ayaa arrintan aragi qudha ka wada bixiyey, iyadoo dadku isku laaheeyn; erayo ay ka mid yihiin; “Waligay dabayshan iyo siigdan oo kale ma arag ee eebbe haynoo sahlo.”

 Waxa  ay  dabayshan beddeshay  jewigii  ay  go’day  lixdii makhribnimo,  muddo  yar ka dibna  waxa bilaabay  raxmada  roobka  oo muuqday  inuu  aragaxii  dadka  ku dhacay   uu ka qaado.

 Waa markii u horreysay   dabaylo noocan oo kale ah lagu arko   magaalada Burco.