OO maad madaxweyne iska noqotid!
Iyadoo tartanka jagadda madaxweynaha soomaliya loogu jiro uu cirka marayo LIISKUNA dheeraaday ayaa caalamka oo dhan waxaa ka duulay rag soomali ah oo kursiga aad ugu jibaysan haddaba magaalada London waxaa ku nool soomaali badan . waxaana dhacda marka qurbaha in badan la joogo in rag badan ayku soo oodanto oo uu waayo waxii uu rabay inuu noqodo .waxaa kaloo jira dad badan oo reer London ah oo madax ka noqday Dhulka Soomalida taasina waxay dhiiri galisy in nin waliba hanqal taago oo uu yidhaa ana WAYKAN! .
Barigii hore dadku way is qaban jireen oo runta ayaa laysu sheegi jiray hadaad gidaar isku qaado waxaa lagu odhan jiray waar ka joog ha jiidhine. Lakiin immika waxaad doonta sheego horta reerkiinu waa ku tageerayaa TVyada soomalida ee faashlayaasha ahna waxaa kaa xiga saddexdooda boqol iyagoo aan u aabo yeelayn waxaad ka hadlayso .waxaa kaloo jirta koox Gabayo iyo heeso qiiro hindi ah la taagan meel walba oo raba inay kazoo baxaan TVyadaa iyagoo madaxweyne walba isku si u gu heesaya walibana ilmadu hililiqda hayso waxaanad moodaa xafaldahoo dhami inay u eeg yahiin aroos aan habaysnayn oo is dhexyaac ah.
Xaafada galbeedka London ayaa la sheegay inay immika ku nool yahiin in ka badan lix madaxweyne soomaliyeed oo ka masuul Maamulo Hawada ah(virtual states) . waayo qaar badan oo iyaga ah waxaaba ka masuula dawlda Britian oo noloshooda kabta waxaana laga yaabaa inaanay wax shaqo ah qaban waligood isla markaana XILKAA madaxweynahu yahay shaqadii ugu horeysay ee ay qabtaan intii ay addunka joogeen
Gebegebo: Nin reer London ah oo makhaaxi lahaa ayaa ay makhaaxidii ku fadhiisatay oo waxba laga cuni wayay waayo raashin xumo iyo waxuu isku darsaday nadaafad xumo waana laga kala yaacay maalintii danbe ayaa isagoo kaligii meesha fadhiya waxaa u yimi miday saxiib yahiin waxaanu ku yidhi waar maxaan yeelaa waatan igu dul xidhantaye markaasu yidhi ALLORE OO MAAD MADEXWEYNABA ISKA NOQOTID.
Abdirahman bidhaan bcfm radio Bristol 93.2fm
Recent Comments