Gaadhi siday Walaxa laga Sameeyo Aaaladaha Qaraxa oo Lagu Qabtay Degmada Dararweyne.

Dararweyne(TogdhNews)-  Gaadhi   ay  saarnaayeen  walxaha   laga sameeyo    aalladaha  qaraxa   ayaa maanta  lagau qabtay   degmada darweyne  ee  ka tirsan gobolka  Sanaag.

Gaadhigan oo  noociisu  ahaa kuwa loo yaqaan Waaraadka  oo u socday  dhinaca Boosaaso  ,ayaa la sheegay  inuu  ka tagay  dhinaca gobolada Togdheer  iyo Maroodi –Jeex .

Sida  ay   Jamhuuriya  Burco  u xaqiijiyeen  masuuliyiin  ku sugan   magaalada   Dararweyne  oo  khadka telifoonka kula xidhiidhnay  ,waxay  sheegeen inay   ku  raran yihiin  aalladaha  laga  sameeyo  waxyaalaha  qarxyada loo adeegsado, islamarkaana  darawalka iyo geerashboygii  oo  kaliya  ay la socdaan  baabuurka.

Waxaana  hada  gaadhigaasi  gacanta  ku haya   ciidanka booliska  ee  degmadaasi.
Mana  jiraan   warar  faahfaasan oo  ilaa cadeynayay   waxa gaadhigan saaran iyo  cida  lahayd  balse  waxa socda  baadhitaan la xidhiidha  arimahaasi .

 

Togdheernews.com

Ceerigaabo