Burco : Arady u fadhiisan lahayd Imtixaan oo laga joojiyay iyo Saameynta ka dhalatay

 

 

 

 

Burco (Togdheernews.com) -  qaar  ka mid  ah  aqoonyahanada  iyo walaadiinta   gobolka  Togdheer  ,  ayaa  cambaareeyay  talaabo   wasaarada   waxbarashada   Somaliland  ku    laalaashay  go,aan ay hore ugu fasaxday  in imtixaan lagaga  qaado  280-arday ,oo ka kala socday  gobolada Togdheer,Sanaag iyo Sool.

 imtixaanka   laga  joojiyay  ardaydadn ayaa   ahaa mid ay qaadi  lahaayeen  macalimiin  ajanabi ah oo  ka socoday  dugsiga  Abaarso Tech,  kaasoo  ay ku qaadanayeen  ardayda  u sareysa  imtixaankaasi,  si ay uga mid noqdaan ardayda wax ka dhigata dugsiga sare ee  Abaarso.

 

Hinda  Jaamac  oo   ka mida aqoonyahankii  arintan dhaleeceeyay  ayaa  sheegtay  in markii hore  wasaarada  waxbarashadu   Somaliland  ogolaatay  in  laga  qaado  ardayda imtixaankan   islamarkaana  ka kala yimaadeen gobolo kala durugsan  balse ayaan daro tahay in laga joojiyo ardayda  imtixaankaasi “Wasaarada  waxbarshadu  qoraal fasaxa  ayay  ku ogolaatay  in ardayda  sadexda  gobol ee bariga ay  maamulka  dugsiga  Abaarso Tech imtixaan  kagaga   qaadaan   magaalada  Burco, waxaana qoraalkaasi  sameeyay oo ku saxeexna  Agaasimaha  guud ee wasaarada  waxbarshada  Maxamed Xasan, waxayna Sumadeedu ahayd Ref.Moi/Dg/ou/960/12. Oo ku taariikhaysan 15-4-012. Haseyeeshee  waxa  la yaab noqtay   markii   wasaaradii   qoraalkaasi  bixisay  hadana   ay   baajisay imtixaankii  ardayda.” Waxay  Hindi intaasi raacisay  in  macalimiintii  maraykanka ahayd ee  imtixaanka   qaadi lahayd  ay boolisku  ku amreen in  laga saaro  Burco  oo ay ku laabtaan  dhinaca hargaysa, meelkastana loo dhigay  askar ,ka dibna   booliskii k  saaray  magaaladii, taasina  waxay  muujinaysaa   cadaalad darada  ka taagaan dhinaca waxbarashada dalka.

 

Dr .Axmed  X. Xasan oo  ka mid Aqoonyahanka   gobolka Togdheer  oo  ka  hadlay  arintan ayaa  tilmaamay  in isagu dadaal badan ugu jiray  horumarinta waxbarshada   gobolka togdheer  ,ilaa afar dugsina ka  hirgaliyay  degaanka gobolka  balse  qaadan waa  ku noqtay marku maqlay arintan “ Waxa soo baxday  fursad  ay  ardayda  togdheer  ka heleen  dugsiga  Abaarso Tech, ka dibna  waxaanu   soo martiqaadnay   macalinmiinta dugsigaasi  oo yimaadeen Burco, waxay sameeyeen  baadhitaan iyo xogogaal  raadin dhinaca waxbarshada gobolka  ka dibna waxay  ogolaadeen inay imtixaan  ka qaadaan ardayda  gobolka ee  fasalada sideed, si ay fursad uga helaan dugsigaasi  , iyagoo  qoraal fasaxa ka haysta  wasaarada waxbarshada  haseyeeshee  imtixaankii laga qaadi lhaa ardayda  waxa  baajisay  wasaaradii   fasaxday   ,taasina   waa wax lala yaabo, sidaas darteed  waxaanu  u soo jeedinaynaa xukuumada  madaxweyne Siilaanyo  inay  wax ka qabato  arintan.” Ayuu Yidhi  Dr.Axmed.

 

Sidoo  Eng,Xuseen Xandule  oo isaguna  ka hadlay   goobtaasi  ayaa xusay inaanay arintan ka hadhayn ee ay  ka daba tagayaan .

 

Booliska  gobolka togdheer  oo  lagu soo amaray  inay  ka  soo saaraan macalimiinta  ajanabiga  ah ee ka socotay  dugsiga abaarso  ee imtixaanka qaadi lahayd oo mudadii ay  ku sugnaanyeen magaalada   ay baadi goobayeen  boolisku  ayaa maalintii salaasadii  boolisku  ka saareen  magaalada iyadoo   dib lloogu celiyay  magaalada Hargaysa  oo  ay markii  hore  ka  yimaadeen..

 

Talaabadan  oo  si balaadhan looga dareemay  gudaha magaalada Burco  ayaa  looga balamay  in kulan weyn oo lagaga  hadlayo  dhacdan la qabto  maalmaha soosocda.

 

 Togdheernews.com