DAAWO :Ururka WADANI oo shaaciyay musharaxiinta Doorashada Degaanada uga sharaxn Oodweyne, Hargaysa iyo Burco.

 

Burco (Togdhnews)- Urur  siyaasadeedka  WADANI  ,ayaa  ,  xaflad   balaadhan   oo  ku qabtya   Burco   kaga  dhawaaqay    sideed  musharax  oo  uga  qaybgali doona   tartanka  doorashooyinka  golaha  degaanada  ee  gobolada  Daadmadheedh  ,Maroodi  jeex  iyo  Togdheer.

Munaasibadan  oo  ay ka soo  qaybgaleen  madaxda  Ururka  wadani,  xildhibaano,   Cuqaal  ,waxgarad  iyo taageerayasha   ururkaasi   ayaa  lagu  qabtay  huteel  Shamaxle   ee  magaalada  Burco.
Mr. Jaamac  Sidiiq  oo   ka mid  masuuliyiinta Ururka  wadani  ee  G/togdheer, waxaanu   sheegay  in xaflad loo qabtay  sideed  musharax     oo   ururka  wadani  uga   qaybgali doona  doorashada  degaanada  ee   Hargaysa, Burco  iyo  Odweyne  islamarkaana   beesha  degaanka  Odweyne  u  soo xulatay masharaxnimadooda  “ Waxaanu   maanta  soo  dhaweynaynaa    Sideed  Musharax  ee   Cuqaashii  iyo  waxgaradkoodii  u  soo  xusheen  inay  iska sharaxaan  Ururka  Wadani,  kuwaasoo  shan  ka mid  ahi  u  sharaxan    yihiin  doorashada  degaanada  ee    degmada  Oodweyne, halka  labadada   musharax   ee  kalena  ka sharaxan yihiin  doorashada  degaaka  ee   Hargaysa  iyo   Burco.” Ayuu yidhi.

Cismaan  Afgaab  oo    ka mid  ah masuuliyiinta   sare  ee  ururkaasi  wadani ,oo  ka  hadlay  xafladaasi    ayaa  tilmaamay  inay   gacmo  furan ku soo  dhaweynayaan   musharaxiintan “ Hadaanu   ururka  Wadani  nahay  waanu gudoonay  musharaxiintan  aad  soo  xuluteen  beel ahaan,waanad  ku mahad santihiin  talada midaysan ee  aad ku go,aansateen inaada  ka sharaxdaan  Ururka wadani” Ayuu yidhi.

“Dhamaan  bulshada gobolada  Somaliland    oo dhan cududoodii    way  ka muuqdaan   Ururkan ,Waxaana  hore  loo  yidhi   Guryo  samo  iyo  Lama dega  mid walba  magaciisa  ayaa lagu  degaa, markaa  waxaan leeyahay    ururkeenu   waa Guryo  Samo ,ee  ninkii degaya   lama dega  isagay  jirtaa” Sidaas  waxa  yidhi  Xildhbaan  Maxamed  Diiriye  Xayd,oo  ka mida  golaha degaanka Burco   oo  xafladaasi   ka hadlay.

Xirsi Jamaac (Indho)  oo  ah musharax   ka sharaxan golaha  degaanka  Burco  oo  munaasibadaasi ka hadlay   ayaa  balan qaaday  in   hadii uu  ku guulaysto   doorashada inuu   si cadaalada   iyo   sinaana  ugu shaqayndoono   bulshada “ Waxaan  ka shaqayndoonaa  hadii  aan  ku guulaysto  doorashada  horumarinta    iyo  wax u qabshada   bulshada, anigoo  si  daacad   ah  ugu adeegi doona   dadkayga  iyo  dalkayga.”

Cuqaasha  iyo  Waxgaradka   degaanka  Oodweyne  ee xafladaasi  ka hadashay  ayaa  tilmaamay  inay   go,aan ku gaadheen  wadajira  ku gaadheen   musharaxoodu  inuu noqdo  Xirsi Jaamac  ,islamrkaana  ururka Wadani   iska   sharaxo ,Taageerayadana  waanu  la garab joogaynaa.
Xildhibaan  Jaamac  Xasan Aadan  ayaa   xafladaasi  ka sheegay in  Ururka  Wadani  yahay  urur  ay  wada  leeyihiin  bulshada  Somaliland  oo  dhami   oo ay u furan tahay  cidkasta   oo   ka mid noqonaya,laguna soo dhaweynayo.

Gudoomiyaha  Ururka Wadani ee  G/Togdheer  Xuseen Kaahin    iyo  Marwo  Hinda Jaamac  ayaa  u rajayay  musharaxiintan  inay  guulaystaan,  Ururka  wadanina   ka  mid noqon doono    sadexda  xisbi  ee  soo baxa.

Munaasibada  oo   ahyd mid si  weyn loo soo agaasimay  ayaa waxa  hadalo  kala duwan ka jeediyay    Cuqaal ,Masuuliyiin , waxgarad  iyo haween  kuwaasoo  dhamaantood  xusay  inay  soo  dhaweynayaan  musharaxiintan  cusub   sidoo  kalena  hiil iyo  hooba  la garab taagan yihiin  ururka  Wadani       

TogdheerNews..Burco