Togdheer News

Muj.Xasan Ciise oo Markii u horeysay Ka hadlay Heshiiskii ay wada galeen Xukuumada.

kayse — Wed, 19 Jun 2013 20:43:47 +0000

Hargeysa(Togdhnews) Guddoomiyaha Urur siyaasadeedkii Xaq-soor ee dhawaan Heshiiska la galay Xukuumadda ayaa sheegay in heshiiska hordhaca ah ee aan la cadayn qoddobadiisu ku keentay su’aalo badan oo aan jawaab loo hayn.

Xasan Ciise waxa uu War-saxaafadeed uu soo saaray kaga waramayaa in heshiisku wali qabyo yahay ,oo aanu dhamaan waxaan war-saxaafadeedkan oo dhamaystiran u dhignaa Sidan:

Ururka xaqsoor warsaxaafadeed

Wadahadaladii ka dhaxeeyay ururka xaqsoor iyo xukuumada Somaliland qaybtiisii hore waxay ku dhamaatay afar qodob oo guud ooy isku raaceen gudigii laba geesoodka ahaa. Gudigaasi mudo sadex bilood ah ayuu muujiyey dadaal badan waanay ku mahadsan yihiin.

Waxa markaas hadhsan in qaybta labaad ee wadahadalada loogu talo galo in tafaasiishii loo galo. Marka marxaladaas labaad la gabagabeeyo ayaa dadka loo sheegi karaa tafaasiisha qodobada lagu heshiiyo. Imika waa la heshiiyeyna waa la yidhi dadkiina looma sheegin waxa lagu heshiiyey waxa uu yahay. Sababta oo ah waxa aan la gaadhin oon imika la hayn tafaasiishii qodobada ay tahay in lagu heshiiyey. Arintani waxay dhalisay su’aalo ka badan inta ay ka jawaabtay. Waxa aan xasuusinayaa taageerayaasha xaqsoor iyo shicibka Somaliland in Xaqsoor aan cidina uga lexojeclo badnayn wanaaga dalka Somaliland iyo midnimada dadweynaha reer Somaliland. Xaqsoor si daacad ah ayuu u galay wadahaladan,waxaanu diyaar u yahay inuu ku dhamaystiro si cadaalad ah oo xaqsooraysan ooy ku jirto danta iyo wanaaga wadankeenan qaaliga ah ee Somaliland. Waa hadii laga helo dhinaca kale ee xukuumada maanta xilka iyo amaanadu saaran tahay.

Wabilaahi Tawfiiq

Gudoomiyaha xaqsoor

Xasan Ciise Jaamac

Guurtida Oo Ku Talisay In La Abuuro Xeer Lagu Joojiyo Tahriibka

kayse — Wed, 19 Jun 2013 20:01:01 +0000

Golaha Guurtida Somaliland, ayaa shalay war-bixin dhinacyo badan taabanaysay ka dhageystay guddida arimaha bulshada ee Golahaasi, waxayna markaa ka dib xildhibaanadu war-bixintaasi ka dhiibteen fikrado la xidhiidha sidii waxqabad loogu bedali lahaa war-bixintaasi.

Guddoomiyaha Guddida arimaha bulshada ee Golaha Guurtida Somaliland Muxumed Aw Axmed Xaaji Aaden oo Mudanayaasha Guurtida u akhriyey war-bixin sidoo kale ku talisay inay Telefiishanada Somaliland laga joojiyo Filimo ay ku tilmaameen dhaqan xumo iyo Wasaarada arimaha guduhu wax ka qabato dadka ajaanibka ah ee dalka ku soo bedanaya, ayaa isaga oo ka hadlaya arimaha Tahriibka iyo sida ugu haboon ee wax lagaga qaban karo yidhi “Tahriibku dhibaato ayuu ku yahay qaranka, waana arin dhibaato ah oo da’yarteenii saamaysay, in wax laga qabtana waa loo baahan yahay, wax ka qabashadeeduna horta waxa loo baahan yahay in shir qaran laga yeesho”

Guddoomiyuhu waxa kale oo uu sheegay “in labada golle (Wakiilada/Guurtida) iyo xukuumaddu ay ka soo saaraan sharci lagu kaantaroolayo Tahriibka, waayo qoysaskii iyo dhaqaalihii ayay saamaysay oo aabihii gurigiisa ayuu iibinayaa marka la yidhaahdo inankaagii-baa saxaraha ku xidhan, waxaana dhacday in iyagga oo qaarkood saxaraha lacag ku bixiyey inay dhinteen oo jidhkooda laga dhigtay (Spare Parts)”ayuu yidhi waxaanu intaa ku daray “Maxaa ugu wacan Tahriibka odhan mayno oo mushaakil badanbaa iska jira, laakiin muhiimadu waa sidii loo joojin lahaa, Dhalinyarada Tahriibaysa gaadiidbaa qaada iyagga oo aan lacag laga qaadin, cidbaa maalgalinaysa, waana la ogyahay, haddii aan la ogeyna waa dhaliil jirta”

Dhanka kale, Mudanayaasha Golaha Wakiilada Somaliland, ayaa shalay ansixiyey xeerka Maamuska Madaxwaynaha, Madaxwayne ku xigeenka iyo weliba Mudanayaasha Baarlamaanka Somaliland (Xeer Lambar 62/2013).

Fadhigii shalay oo uu shir-guddoominayey Guddoomiyaha Golaha Wakiilada isla-markaana ay ka soo xaadireen 44 xildhibaan, ayaa cod caqliyad ah lagu meel-mariyey xeerkaasi oo Madaxwaynaha iyo Madaxwayne ku xigeenka xilka haya ama soo maray inay qaataan lacag la mid ah mushahar, si loogu maamuuso.

Sidoo kale, xeerkan oo ay ogolaadeen 38 xildhibaan, laba diideen, 3-na ka aamuseen, ayaa waxa xildhibaanada baarlamaanka u ogolaanayaa in marka xilku ka dhamaado sagootin ahaan loo siiyo lacag u dhiganta mushaharka 12 bilood ama hal sano.

Diplomacy Today In Somaliland: A Tale Of Woe . By: Hassan Mohamed Toronto, Canada

kayse — Wed, 19 Jun 2013 18:54:04 +0000

Throughout its history, Somaliland, has excelled in producing intelligent, capable, dedicated officers in foreign diplomacy. From the first Foreign Minister of the then Somali Republic, Ahmed Yusuf Duale, who made the first speech for Somalia at the founding of the OAU.

Military officers who took part in the 1961 attempt to bring back Somaliland's independence, the likes of Hassan Abdalle Walanlal (Hassan Kayd) ahun, Ambassador Awil Ali Duale and the other officers all became career diplomats who went on to serve with distinction.

The first President of Somaliland Abdirahman Ahmed Ali was a career diplomat, who, while as Ambassador to Ethiopia used his considerable diplomatic skills to bring about the end of the monarchy in that land. May Allah be pleased with him.

Abdirihiin Aabi Farah rose to staggering heights as a career diplomat, a level no ethnic Somali had reached before or since. He became an Assistant Secretary General of the United Nations.

Omar Arte Ghalib was a Foreign Minister in the defunct Somali Republic. Who doesn't remember his efforts and memorable speech to usher the defunct Somali Republic into the Arab League in 1974.

Diplomacy it would seem runs in our blood, which makes it all the more disturbing why we are losing the diplomatic battles with those who seem hell bent on seeing us flounder. When the chimes of history are rung on those running Somaliland's foreign affairs today, we believe they will not be held in high regard.

Today's Chief Diplomat. Mohamed Abdillahi Omar, is quietly simply out of his league. Great theorists remain just that, great theorists. Left to do their work in academia. If a pencil pusher, like many theorists, is given the grand stage he will likely break everything down into nuts and bolts.

Charismatic diplomats combined everything to give those they served, the people, both the nuts and bolts and the bigger picture. Academics have their place in the governmental hierarchy, and it’s usually at the Ministry of National Planning.

Maybe the erstwhile Foreign Minister can explain the new Statistics Law just signed by The President. Minister, I know Ahmed Yusuf Duale and you sir are no Ahmed Yusuf Duale.

Be emboldened by those who come before you. Show a little bit of flair.

Long Live SOMALILAND

Salamu 'Alaykum Wa Rahmatulaah

Dawladaha Masar iyo Itoobiya oo ku Heshiiyey in Biyaha Nile la Qaybsado, Wadahalladana la sii Wado

kayse — Wed, 19 Jun 2013 18:37:40 +0000

Addis Ababa (/W.Wararka)- Wasiirrada Arrimaha Dibadda ee dalalka Masar iyo Itoobiya, ayaa ku heshiiyey wadahadallo ay galeen kadib in biyaha webiga Niil la qaybsado, wadahallada iyo wada-xaajoodka labada dhinacna la sii wado.
Dalalka Masar iyo Itoobiya waxa muddooyinkii u dambeeyey dhex aloosnayd xiisad xasaasi ah oo dagaal ku dhawaatay, kadib markii dawladda Masaaridu cadho ka muujiyey mashruuca biyo-xidheenka Itoobiya ka samaysanayso biyaha webiga Niil ee dalkeeda dhexmara.
Wasiirrada Khaarajiga labada dal, ayaa kulan ay ku yeesheen magaalada Addis Ababa, aad uga wadahadlay mashruuca Itoobiya ku samaysanayo biyo-xidheenka ee khilaafku ka dhashay, kaasoo la doonayo in lagaga dhaliyo lix kun oo megawaat oo koronto ka dhalin doonto, kaasoo dawladda Masar ka biyo-diiday.
“Waxaannu isku raacnay in sida ugu dhaqsaba badan aannu u bilawno wad- tashi labada dhinac ah oo heer farsamo iyo heer siyaasadeedba ah.” Sidaa waxa yidhi Wasiirka Arrimaha Dibadda Masar Mr. Maxamed Kamel Amr
Wasiirk Khaarajiga ee Masar Mr. Cumar iyo dhiggiisa Itoobiya Mr. Tedros Adhanom, ayaa si wadajir ah u caddeeyey in la soo afjaray khilaafka soo dhexgalay xidhiidhkii labada dal, sidaa darteedna ay sii wadi doonaan sidii xal looga gaadhi lahaa xiisadda ka abuurantay isticmaalka biyaha webiga Niil.
“Labadayada dal waa inay wada quusaan amma wada dabbaashaan, waxaanan u malaynayaa in Itoobiya doorkeeda dooran doonto, Masarna nala qaadan doonto inay doorkeeda soo bandhigto,” ayuu yidhi Mr. Tedros Adhanom oo ah Wasiirka Arrimaha Dibadda Itoobiya.
Labada dawladood ba waxay dalbadeen in cilmi-baadhis lagu sameeyo saamaynta uu biyo-xidheenka Itoobiya ku yeelan karo biyaha webiga Niil, si khilaafka siyaasadeed u soo afjarmo.

DAAWO:Gudoomiyaha Maxkamada Sare oo ka Warbixiyey kulan dhexmaray Cuqaasha, Waxgaradka iyo Maamuulka gobolka

kayse — Wed, 19 Jun 2013 18:16:11 +0000

DAAWO: Qaraxi Dhimashada iyo dhaawaca Watay ee ka dhacay Xarunta UNDP Muqdisho

kayse — Wed, 19 Jun 2013 16:12:50 +0000

Xukuumada Soomaaliya oo shaacisay in 15-qof ku dhinteen Weerarkii ka dhacay Xarunta UNDP ee Muqdisho

kayse — Wed, 19 Jun 2013 13:19:38 +0000

Wasiirka arrimaha gudaha iyo Ammaanka Qaranka xukuumadda Soomaaliya, C/kariin Xuseen Guuleed ayaa sheegay in weerarkii maanta lagu qaaday xarunta UNDP ay ku dhinteen 15-qof oo ay afar ka mid ahaayeen shaqaalihii ajnabiga ahaa ee ka howlaglayay xarunta UNDP.

Wasiirka ayaa sheegay in toddoba ka mid ah dadka ku dhintay weerarkaas ay ahaayeen xoogagii Al-shabaab ee weerarka soo qaaday, afarta kalena ay ahaayeen ilaaladii xaruntaas.

“Dadka ku dhintay weerarka waxay tiradoodu ahayd 15-qof, afar ka mid ah waxay ahaayeen ilaaladii xarunta, afar kalena shaqaalihii ajnabiga ahaa ee goobtaas ku sugnaa, toddobada soo hartayna waxay ahaayeen kooxihii Al-shabaab weerarka ka dambeeyay,” ayuu yiri wasiirka oo warbaahinta kula hadlayay afaafka hore ee xarunta UNDP oo uu maanta weerarku ka dhacay.

Ma soo hadal qaadin wasiirku dadkii shacabka ahaa ee afaafka hore ee xarunta ku dhintay, isagoo warbixintiisa ku ekeeyay shaqaalihii xarunta ee dhintay, ilaaladii iyo xoogaggii Al-shabaab ee weerarka soo qaaday.

“Waxaan mahad u celinayaa ciidamadii dowladda ee ku guuleystay inay ugu galaan gudaha xarunta kooxihii Al-shabaab ee weerarka soo qaaday kana sifeeyay, taasoo ah guul u soo hoyatay dowladda,” ayuu hadalkiisa ku daray.

Shaqaalaha ajnabiga ah ee goobta ku dhintay ayuu ku sheegay wasiirku inay ahaayeen kuwo qaabilsanaa dhinaca ammaanka xarunta hay’adda UNPD oo ah goob ay deggen yihiin hay’daha Qaramada ee ka howlgala Muqdisho.

Dhanka kale, waxaa weerarka ku dhintay dad shacab ah oo tiradooda lagu sheegay shan qof, kuwaasoo isugu jiray rag iyo dumar, waxaana sidoo kale ku dhintay ciidammo ka tirsan kuwa dowladda oo aanu wasiirku soo hadal-qaadin.

Weerarkii maanta lagu qaaday xarunta hay’adda Qaramada Midoobay ee UNDP ay ku leedahay Muqdisho ayaa wuxuu ahaa mid aad u abaabulan, iyadoo sarkaal u hadlay booliiska uu sheegay in mid ka mid ah kooxihii fuliyay weerarkaas la qabtay.

Al-shabaab oo mas’uuliyadda weerarka sheegatay ayaa horay u sheegtay in shaqaale Ajnabi ah ay ku dileen weerarkii ay xaruntaas ku qaadeen, balse ma aysan sheegin tirada shaqaalahaas ay dileen.

Maxamed Xaaji Xuseen

Arag,Maqal,Afkana xidho. W/Q:Xuseen Xasan Badmaax

kayse — Wed, 19 Jun 2013 13:09:16 +0000

Aafada siyaasadeed ee dalkan Jamhuuriyada Somaliland ku habsatay waa mid
taariikhdu ka markhaati kacayso.Hadaynu soo jireenka aafada siyaasadeed dib
u jaleecno oo aynu soo qaadano waaguu dhiigya cabkii Afweyne shacabkan ku
bilaabay mashruucii uu ula baxay “madax-jebin” ayaa waxa uu samaystay
ciidamo la odhan jiray “77″ iyo ciidan kale oo la odhan jiray “Duub Cas”.

Labadan ciidan waxa Afweyne u samaystay ilaalinta madaxtooyada iyo gumaadka
shacabka,waxa ay bilaabeen inay shacabka ku sameeyaan dabagal,dhegaysi iyo
been abuur ay ka qoraan hadba muwadiniyiinta xaqa ka hadasha ee sheegta
dhaliisha dawladii Afweyne.Manayna jirin saxaafad madax-banaan oo lamaba
ogolayn.Halkaa waxa ka abuurmay cadaadin iyo cabudhin la saaray cid kasta oo
isku dayda inay dhaliisho dawladii Afweyne.Dabeeto waxay noqotay car juuq dheh,
kadibna abwaanada hal-abuuradii oo ay ka mid ahaayeen Hadraawi,Cabdi-qays ayaa
u adkaysan waayay cabudhinta xorayatal qawlkii oo sii daayay hibaduu allaah ku
manaystatay,una iftiimiyay shacabka aafada siyaasadeed ee ay dawladu dalka ku
hayso ilaa xabsiga loo taxaabay.Hal-abuurkii,heesaagii,ahaana macalin Mujaahid
marxuum Maxamed Mooge Liibaan ayaa isaguna dad hortiiba shacabka u soo
bandhigay riwaayado,heeso uu ku iftiiminayay aafada iyo caga juglaynta ku soo
fool lahaa ilaa iyo uu ku biiray ururkii SSDF,kadibna ku wareegay markii SNM
aasaasantay.

Hadaba tan maanta ay dawladan Axmed-Siiraanyo ka curisay dalkan Jamhuuriyada
Somaliland ee ay kula kacday saxaafada madax banaan waxay la mid tahay taa dalka
hore u soo martay.Bal u fiirso xeer ilaaliyaha guud ee guul wadaynta ku xayiray
wargeyska Hubaal ee dhibanaha u ah dawlada.Hada xeer ilaaliya guud waa ninkii ku
dhaartay inaanu Gudoomiyaha xisbiga UCID Eng.Faysal dib uga noqon doonin xisbiga
ucid berigii dacwada xisbigu ku jirtay maxkamada Sare.Taas oo u muuqatay guul-wadayn
ayaa maantana intuu amar siiyay Gudoomiyaha maxkamada gobolka Md.Faysal dhigi-dhigi
ku yidhi “Waa in la xidhaa wargeyska Hubaal”. Waayo? Cajiib! Jawaabta adigaan kuu
dhaafay akhriste.

Waxa la yaab leh eedaymaha uu samaystay xeer ilaaliyaha guud oo ay xukuumadu
adeegsanayso ayaa waxay la mid tahay cabudhintii Afweyne ku hayay cidii dawladiisa
wax ka sheegta.Bal dha-dhami afarta qodob ee uu ku eedaynayo warkgayska Hubaal:

1-War Wargeysku ka qoray Safaaradda Itoobiya ee Somaliland.
2- warbixin uu ka diyaariyay Wefti xukuumaddu yamaniyiin ku sheegtay, laakiinse wargeysku isagoo soo xiganaya Ilo-wareedyo Diblomaasiyadeed sheegay inay ku jireen masaari u socday sidii ay Somaliland uga hadli lahaayeen arimaha Nile-ka .
3- Warbixin kale oo mudo ka hor wargeysku ka soo xigtay Wakaalado Caalamiya oo ku saabsanayd Caafimaad Madaxweyne Siilaanyo oo laga dayrinayo.
4- iyo Eedda kale oo ah Warbixin Wargeysku isku bar-bar dhigay go’aan qaadashada madaxweyne siilaanyo iyo Marxuum Maxamed Xaaji Ibraahim Cigaal ee ku aadan Dagaalka Wabiga nile-ka iyo Xurguftii ka taagnayd xiliyada labada hogaamiye dalka kala hogaaminayeen.

Labada qodob ee 3da iyo 4tu waxay tilmaamayaan wargayska hubaal inuu wax ka qoray Madaxweyne Axmed-siiraanyo! Ha noqoto caafimaadkiisa ama barbar dhig lagu sameeyay madaxweynahii hore marxuum M.I.Cigaal iyo Madaxweynaha haatan dalka hogaamiya Mudane Axmed-siiraanyo.Waxa la yaab leh madaxweyne Axmed-siiraanyo inuu wargayska uu madaxweynaha u yahay ku eedeeyo wax baad iga qortay!Maxaad ii barbar dhigtay madaxweynahii hore!Ceebeey tacaal.Madaxweyne Axmed-siiraanyo miyaano dalka dhamaantii hogaaminayn,miyaano aabo u ahayn saxaafada madaxbanaan,miyaanu madaxweyne u ahayn wargayska Hubaal mise wasiirka madaxtooyada Mudane Xirsi ayuun buu madaxweyne u yahay? Waxa aan sidaa u leeyahay ninka garanaaya madaxweyne Axmed-siiraanyo iyo tabashada uu wargayska ka tabanaayo ayaan isu qabanayn.Tani waa yaabe Xirsi ayaa laga hayay gabadh ayaa i cayday ee madaxweynahii dhamaa ee dalka aabaha u ahaa ma haduu yidhi wargayska hubaal ayaa wax iga qortay!!!

Labada qodob ee 1da iyo 2du iyagu maaha eedayn ee waa badheedh uun loola jeedo sidii loo joojin lahaa wargayska hubaal.Waayo,dee media-ha dalka iyo kuwa shisheeyahuba in badan ayay ka faaloodeen,wax jira iyo wax aan jirin-ba ka qoreen ee ma ta hubaal ayaa baasuuke sidatay!

Waxa aan ku soo afjarayaa,arrinku maaha waxbaa madaxweynaha laga qoray ee waa arag,maqal,afkana xidho.

Xuseen Xasan Badmaax
Ku-xigeenka arr.gudaha
UCID
Hargeysa/JSL

Xirsi Oo Iska Wata Taariikh Sheegashadiisii SNM Iyo Isagoo Badka Soo Dhigay Taariikh Labaad Oo Been Ah by joofane

kayse — Wed, 19 Jun 2013 13:07:43 +0000

dhamaan waxaan salaamayaa bahda saxaafada meel ay joogaanba
mar labaad waxaan salamaayaa asaxaabtayda qaaliga ah ee dunida
dacaladeeda kala jooga,
intaas ka dib waxaan maanta qalinnka u soo yara qaatay arin aan ber
yahanba ku arkaayey wabsetyada oo dhan oo ah taariikhdii SNM
oo aad moodo in qof kii doona iska sheeganaayo iyo aanay ahayn
taariikhada SNM wax la qarin karo beena laga sheegi karin hadaba
waxaan la yaabay ninka soo qara maqaaladana uga soo dhiga ciwaan
DAGAALKII QADHAADHA EE GUDAB XARIIIR EE 1989KII iyo doorkii xirsi
kkkkkkkkkkkkkkkkkk waxaan odhan lahaaaa adeer taariikhdan beenta ah
ma xirsi baa ku yidhi igu faani mise adigaa la jeclaaday xirsi in uu ahaado
mujaahid umada oo dhan baa og xirsi wuxuu gado iyo wuxuu gudo
markaa adeer waxan odhan lahaa ninka sheegta weriyaha axmed
aadan burco sheeko khaldan yaan laguu sooo dhiibin
dagaalkaas gubad xariir waa la yaqaana ragii dalkaas galay
kuna shahiiday tiradodana waa la yaqaan qabiiilkoodana
waa la yaqaan xirsigan aad duulinayso dadku waa kula yaaban yihiine
iska hubi hadii aadan joojina ragii dagaalkaas naftooda iyo maalkooda
ku waayey intii ka hadhay may dhimane waa nool yihiiin
xirsina waa mujaahidka 2013ka aan kusaxee mala waa kaa
khaldanteee
dhamaan waxaan ka raali gelinayaa akhristayaasha maalin kasta
beenta taariikhdii snm looga sheego waagii beryaba xirsina
siilaanyo hortii muu dhan
by ahmed yuusuf joofene
BY joofane1@hotmail.com

Labada xisbi Mucaarid ee Waddani iyo UCID waxay noqdeen laba Xisbi taag oon MUCAARID ahayn

kayse — Wed, 19 Jun 2013 13:02:47 +0000

labada Xisbi Mucaarad oo aan kaalintoodii shaqo ee dastuurku siiyay ugu shaqayn sidii la rabay ayaa ragadiyay siyasada Somaliland ee gudaha iyo dibadaba iyagoo oo aan soo bandhigin siyaasado cad iyo qorsheyaal fulineed ee xaalkoodu noqday kolba hadal yar oo ay meel ka yidhaahdaan oo aanay wax awoodi la socon ,halkii ay dawlda si dhab ah ula xisaabtami lahayeen.Sidoo kale khilaafka u dhaxeeya hogaamiyayaasha labada Xisbi mucaarid oo riiqdoodu dheeraatay ayaa iyana furaha muhiimka ah u noqday in ay Xukuumadda Kulmiye dabarka goosato oo ay waxba iskaga tiring weydo labadoodaba.

Dooda iyo Muranka ugu culus ee dalka ka aloosani waa ka qayb galka wasiirka Arrimaha Dibedda Somaliland Maxamed C/laahi Cumar, kaasoo difaacaya talaabada uu qaatay ee ah ka qayb galka shirkaas oo aan wax xog ah hore looga sii hayn markii lagu dhex arkay shirkaas mooyee.

Maxamed C/laahi waxa uu ku adkaysanayaa in go’aanka ay Xukuumaddu shirkaas kaga qayb gashay xaq yahay oo aan waxba laga weydiinayn Xisbiga Wadani iyo Ucid oo labadooduba si adag afka uga dhaliilay balse sharciyad iyo ficil mid toona aan ku muujin diidmadooda.

Labada Xisbi Mucaarad ayaa iyana ku doodaya oo soo saaray wara-saxaafadeedyo warbaahinta oo kali ah ay u bandhigeen, kuwaasoo ku eedaynaya wasiirka in uu khiyaamo Qarana sameeyay, isla markaana ka qayb galay shir aan Somaliland wax dana ahi ugu jirin.

Sidaas marka ay tahay waxa muuqda in Xukuumadda iyo Wasiirkeedu go’aan adag oo aan ka noqosho lahayn qaateen, hase yeeshee ma muuqato siyaasad bisil oo mucaaradku ilaa hada kaga hor tagaan dhacdadaas iyo dhacdooyinka kale ee soo socda ee filan waaga ku noqon kara Ummadda.

Tusaale ahaan waxa marag ma doon ah Wasiirka Arrimaha Dibeda Somaliland ka qayb galaka shirkaas ka hor in uu soo saaray qoraalkan oo uu ugu diidayo shirkadaha Ganacsiga in ay ka qayb galaan shirkaas oo lagu soo casuumay, balse marna muu soo bandhigin casuumadda isaga sharciga uga dhigtay in uu masiirka Ummadda ugu tagri falo kolba sida uu dan u arko.

“waxaanu helnay war cadaynaya inaad ka qayb galaysaan shir lagu qabanayo magaaladda Nairobi 20-28 May 2013 oo loogu magic daray shirka maal-gashiga Somaliya (Somali Investment Opportunities) oo ay gadhwadeen ka tahay wasaaradda Ganacsiga ee Dawladda Somaliya. Waxaan idin ogeysiinayaa in Dawladda Somaliland ay u aragto siyaasiyan shirk a qayb galkiisu ka hor imanayo mabaadiida iyo jiritaanka madax banaanida Soamliland. Sidaas darted, waxa la idin farayaa inaad arrintaas ka feejignaataan oo aydaan ka qayb gelin shirkaasi” sidaas waxa amar ku bixiyay Wasiirka arrimaha dibeda ee ay WADANI iyo UCID Eedayanayaan.

Wasiir Maxamed C/laahi isaga oo aan qoraalkaas Cad ee horyaala Beenin in uu isagu qoray iyo inkale ayuu hadana ku doodayaa oo uu leeyahay “Shirkan waxa soo abaabulay Shirkad ka diiwaangashan dalka Somaliland oo ay leeyihiin dad Reer Somaliland ahi iyo dad kale oo Caalami ah oo dalal kale oo dunida ah waxaanay ujeedadiisu aheyd in la kobciyo kaalinta ay ganacsatadu ka qaadato Ganacsiga xorta ah iyo kobcinta dhaqalaaha guud ahaan Geeska Afrika gaar ahaana Somaliland iyo Soomaaliya, waxaana kasoo Qeyb galey Shirkado laga leeyahey Somaliland, Soomaaliya, kiiniya iyo dowladaha gacanka carbeed, iyo Yurub, waxaananu anaku ku aheun Shirkan marti sharaf lagu casuumey oo sadex Wasiir ayaanu aheyn oo ka kala socdey Somaliland, aniga(Wasiirka Arimaha Dibada),Dalka aynu jaarka nahey ee Soomaaliya, Wasiirka Ganacsiga Dowlada Kiiniya Wasiirka Macdanta iyo Tamarta kaalinta aanu masuuliyiintayadaasi ku laheyna ay aheyd in aanu ka hadalo Siyaasadaha Dowladahaasi uga yaala qawaaniinta iyo shuruucda kobcinta dhaqaalaha Guud ahaan waxaa noo suurta gashey, in aanu kulankaasi ka jeedino Siyaasada Somaliland, Ganacsiga iyo Maalgashiga iyo waliba shuruucda dalka oo soo jiidaneysa maalgashiga Shisheeye in uu Somaliland ka dhaco waxaana Shirka kadib soo baxey bangiga layidhaa Ecotbank oo ah banki Ganacsi oo weyn oo Kiiniya leedahey in uu ogolaadey in uu Xarun Weyn iyo xafiisba ka furto Somaliland oo aanu rajeyneyno in arintaasi waxtar weyn uyeelan doonto Hurumarinta dhaqaalaha iyo maalgashiga Somaliland”Ayuu yidhi Wasiirka Arimaha Dinbada Somaliland.

Waxaanu intaa ku darey isagoo hadalkiisa sii wata “Dhinaca kale waxaanu la kulaney Wasiirka Arimaha Dibada Kiiniya Aamina Maxamed oo aanu cilaaqaadka labada dal Soomaaliya iyo kiiniya kawada hadalney iyo kobcinta dhaqaalaha , waxaanay dowlada Kiiniya noo soo jeedisay in ay dhawaan Rugta Ganacsiga dalka kiiniya iyo Ganacasato Reer kiiniya ahi ay dhawaan soo gaadhi doonaan dalka Somaliland oo iman doonaan oo ay kala shiri lahaayeen Ganacsatada Somaliland sidii ay xidhiidh iyo Ganacsi iyo wadashaqeynba ay u yeelan lahaayeen Guud ahaan Arimahaasi waa kuwa waxtar u leh dalka, “Ayuu yidhi Wasiirku.

Waxa kale oo Wasiirka Wasaarada Arimaha Dibada Somaliland Dr Maxamed C/laahi Cumar ka hadley hadalo Xisbiga Mucaaridka ah ee Wadani kaga hadleen Shirkaasi isagoo ka hadlaya waxa uu yidhi.

“Dhinaca kale Wararka kasoo baxayay Xisbiga Mucaaridka ah ee Wadani oo shirkan u dhigay barnaamij Siyaasiya oo aan xaqiiq ku dhisneyn waxaan u sheegayaa hadaanu Xukuumada nahay waxaanu ka shaqeyneynaa danaha shacabka Somaliland hadey Siyaasad tahey hadey dhaqaale tahey anagoo ka turjumeyna wixii waxtar u leh dalka wixii waxyeelanaya ka ilaalineyna laakiin waxaan u sheegaynaa ruqsad iyo fasax ugama baahnin wadani markey noqoto hogaaminta qaranka iyo u adeegida danaha Shacabka Somaliland waxaananu ugu baaqeynaa in ay ka fiirsadaan hadalada raqiiska ah ee aan xaqiiqda ku dhisneyn ee ay caadada ka dhigteen beryahan, waxaan u sheegayaa Shacbiga reer Somaliland in ay nuxurka Shirkan aanu kaga qeyb galney Dalka kiiniya ay kaga bogtaan Websitka ay barta internetka ku leeyihiin Kombaniga Shirkan qabtey oo ciwaankiisu yahey SORIC.SO kaas oo ay ka muuqdaan Calanka Somaliland ka dalka kiiniya iyo ka wadanka aynu jaarka nahey ee Soomaaliya taas oo jawaab u ah ragaa aan xaqiiqda ka hadal”Ayuu hadalkiisa kusoo gunaanadey Wasiirka Wasaarada Arimaha Dibada Somaliland Dr Maxamed C/laahi Cumar.

Hadaba Badheedhaha cad ee Wasiirka Arrimaha dibedu marka uu sidaas u cad yahay ee uu sida uu doono u hadlayo maxaa u yaala WADANI iyo UCID? ma inay la murmaan baa mise waa inay Midoobaan oo mawqif kan ka horjeeda oo Cad oo Dalka wax u taraya la yimaadaan.

Kaaga sii darane ilaa hada jawaab lagama hayo Ganacsatada shirkaas lagu soo casuumay ee Reer Somaliland ee uu Wasiir Maxamed C/laahi u diiday iyagoo arkaya khiyaamada uu ku sameeyay ee aan geed-na loogu soo gaban.

Dhacdooyinka isweydiinta mudan sadexdaas oo kali ah maaha laakiin waxa xusid mudan maalmaha iyo fursadaha siyaasadeed ee Itoobiya uga baxay Somaliland iyo sida ay Xukuumadda Kulmiye mugdiga Kiiniya ka socda ugu rartay.

Muran kuma jiro in C/raxmaan Cirro oo Baarlamaan ah iyo Feysal Cali Waraabe oo Axsaabta Mucaaradka ah metelayaa haye fudud ku qaabileen siyaasadda Kulmiye ee ay ka cabaadayaan oo ay dabarka ka fureen soo bixitaankii wadahadaladda Somaliya iyo Somaliland.

Si kasta ha ahaatee kalinimadda siyaasadeed ee Xisbiga Kulmiye Dalka ku hayo waa mid uu ka helay Axsaabta Mucaaradka ah oo ahayd inay dur durada ka ilaaliyaan Xisbiga talada haya. Jawaabta kali ah ee u taalaana waa in ay sharciga hor geeyaan haddii danbi la galo.