Hargeysa(TogdhNews)- Xaflada Xil Wareejinta Madaxtinimada Somaliland ayaa saaka ka bilaabantay Xarunta Madaxtooyada Somaliland.

Dadweyne aad u tiro badan ayaa ku xoonsan agagaarka Cusbitaalka Hargeysa iyagoo ka warsugaya qaabka ay u dhacayso Xilwareejintu inkastoo loo diiday in cidda aan martiqaad haysan ay u dhawaato madaxtooyada.

Amaanka Agagaarka Madaxtooyada ayaa aad loo adkeeyey iyadoo ciidamo badan la dhigay.

 waxa aad loo Adkeeyay  dhamaan wadooyinka Soo gala  Madaxtooyada marka laga soo bilaabo Agagaarka Guriga Madaxweyna Kuxigeenka Xilka Wareejinaya ilaa Cusbitaalka oo Dhinaca bari ah.

Waxa Xidhan Dhamaanba Wadooyinka Soo kagala Madaxtooyada ay ka Socoto Xil Werejintu.

Ciidamo badan ayaa ku daadsan agagaarka Madaxtooyada iyadoo Gawaadhida Gaashaaman ee Ciidamadu ay taagan yihiin meelkasta.

Xafladda ayaa sidoo kale waxaa ka qayb galaya Mas'uuliyiin ka socda Dalalka Kenya,Jabuuti iyo Ethiopiya oo Shalay Hargaysa gaaray.